وقف کی اہمیت اور اس کی مثالیں

وقف بورڈ میں خرافات بہت زیادہ ہیں، کیس، کرپشن وغیرہ، تو حکومت ہند نے یہ قانون بنانا چاہا کہ کسی کو بھی اپنی جائداد وقف کرنے کیلئے ۵سال پرانا مسلمان ہونا چاہئے، اس سے پہلے وقف نہیں کرسکتا اگر فوت ہوگیا تو اس جائداد پر حکومت کا قبضہ ہوگا خواہ وہ مسلم ہی کیوں نہ ہو، دوسرا اہم نقطہ کہ اختلاف کی صورت میں فیصلہ کلکٹر کریگا، کوئی مسجد ہو یا قبرستان اگر کسی نے دعوی کیا کہ یہ میری ذاتی جا ئیداد ہے تو ایسی صورت میں فیصلہ کس طرح ہوگا ہم اسکا اندازہ بھی نہیں لگا سکتے، اس بل میں یہ دو نقطے نہایت ہی خطرناک ہیں، تیسرا یہ کہ وقف بوڈر کے ممبران میں دو غیر مسلم ہونگے یہ عام لوگ نہیں ہونگے بلکہ (آر یس یس) کے تیار کردہ لوگ ہونگے، انکا کام ہی یہی ہیکہ کہ جہاں لوگ سکون کی زندگی میں ہوں وہاں فتنہ برپا کرنا، یہ تین نقاط ایسے ہیں جس سے بالکل واضح ہے کہ وقف کی جائداد کو غصب کرنے کیلئے بنایا گیا ہے، دہلی میں کاغذی طور پر ۵۰۰ قبرستان ہیں مگر زمین پر صرف چار سو ہی ہیں، ۱۰۰ قبرستان کی جگہیں کہاں گئیں؟ کیا اسکا جواب ہے کسی کے پاس، اس بل کو مکمل طور پر رد کرانے کیلئے ساری جماعتیں کوشش کررہی ہیں کیونکہ یہ مسئلہ کسی ایک کا نہیں ہے، پورے ملک کے مسلمانوں کا ہے اگر ہم اس کی حفاظت نہ کر سکے تو بے غیرتی و بے حسی کا آخری درجہ ہوگا، کہ ہم اللہ کا گھر نہ بچا سکے تو اپنا گھر کہاں سے بچا سکتے ہیں، آج اس پر خاموش رہے تو کل ہمارے گھر پر حملہ ہوگا اور اسکو بھی غصب کر لیا جائیگا، ہندوستان میں ہندو، سکھ، عیسائی، شیعہ، سب کے پاس اپنے اپنے وقف بورڈ ہیں انکے نام الگ الگ ہیں ہر کوئی اپنے اپنے حساب سے وقف کرتا ہے، ہماری ذمہ داری یہ ہے چونکہ حکومتوں کے فیصلے ہمیشہ کاغذ کے لحاظ سے ہوتے ہیں، اس لئے جہاں پر اس بل کو رد کرنا ضروری ہے وہیں پر یہ بھی واضح ہوانا چاہئیے کہ ہمارا کوئی ادارہ، کوئی مسجد، کوئی مدرسہ بغیر کاغذی کاروائی مکمل کئے نہ ہو، حکومتیں آتی جاتی رہتی ہیں حکمراں بدلتے رہتے ہمیں ہر طرح سے تیار رہنا چاہیئے تاکہ ہمارے دین میں کوئی دخل اندازی نہ کر سکے، دنیا آزمائش کے لئے ہی بنائی گئی ہے اللہ نے سورہ ملک کی بالکل ابتداء میں کہا ہے کہ موت اور زندگی کو پیدا کرنے کا مقصد آزمائش ہےکہ کون بہتر عمل کرنے والا ہے، اللہ دشمنوں شر و فساد سے ہماری حفاظت فرمائے